"Real" minimal hesablı qələbə ilə liderliyini qorudu

03:24 14.09.2025
37

İspaniyanın "Real" klubu La Liqada növbəti qələbəsini qazanıb.
Olimpnews.az xəbər verir ki, "Kral klubu" "Anoeta" səfərində "Real Sosiedad"ı minimal hesabla məğlub edib. Matçda hesab 12-ci dəqiqədə Kilian Mbappenin qolu ilə açılıb. Oyunun 32-ci dəqiqədə madridlilərin yeni transferi Huysen qırmızı vərəqə alaraq meydanı tərk edib. Buna baxmayaraq, hücumlarını davam etdirən Xabi Alonsonun komandası ilk yarının sonlarına yaxın üstünlüyünü iki topa çatdırıb. Bu dəfə 44-cü dəqiqədə Arda Gülər fərqlənib. Meydan sahiblərinin yeganə təsəllisi isə Oerzabalın 56-cı dəqiqədə vurduğu qola çatıb.
Qələbə sayəsində xallarının sayını 12-yə çatdıran "Real" klubu maksimum nəticə ilə liderliyini qoruyub. MeydN sahibləri isə 2 xalla 17-ci pillədə qərarlaşıb.