Azərbaycanın qadınlardan ibarət basketbol 3x3 üzrə milli komandası Özbəkistanın paytaxtı Daşkənd şəhərində keçirilən beynəlxalq turnirdə uğurla iştirak edib. Turnirdə iki yarımqrupda 12 komanda mübarizə aparıb. Aprelin 7-dən yarışlarda iştirak edən komandamız yarımqrupda beş oyundan qalib ayrılaraq yarımfinala yüksəlməyə nail olub. Aprel ayının 10-da keçirilən yarımfinal oyununda isə basketbolçularımız Özbəkistanın "LND” komandası ilə üz-üzə gəliblər. Görüşdə Özbəkistan təmsilçilərini 15:11 hesabı ilə məğlub edən komandamız final mərhələsinə çıxıb. Millimiz üçün son mübarizədə Tatyana Slojenitsinanın yetirmələri ev sahibi "Almalik” komandasını 21:15 hesabı ilə məğlub edərək turnirin qalibi adını qazanıblar.