Sardiniyada istirahətdə olan 37 yaşlı italiyalı üzgüçü Filippo Maqnini əsl qəhrəmanlıq nümayiş etdirib. O, dənizdə batmaq təhlükəsi ilə üzləşən 45 yaşlı kişinin həyatını xilas edib.
"O, çox qorxmuşdu və duzlu su udmuşdu. Mən ona yetişəndə, o danışa bilmirdi. Onu sudan çıxarmaq çətin idi. Ona görə də mən onun başını hava ilə doldurulmuş balışa qoydum. Mən sadəcə, etməli olduğum şeyi etdim”, - Maqnini deyib.
Məlumat üçün bildirək ki, italiyalı üzgüçü 2 qat dünya, 3 qat Avropa çempionudur.
