Kişi voleybolçulardan ibarət “Murov” klubu bu gün Çağırış kuboku yarışında növbəti oyununu keçirəcək. Komandamız 1/8 final mərhələsinin ilk oyununda səfərdə Niderland təmsilçisi “Orion” klubu ilə üz-üzə gələcək.
Qarşılaşma Bakı vaxtı ilə saat 23:00-da start götürəcək. Cavab görüşü dekabrın 15-də Bakıda keçiriləcək.
Qeyd edək ki, “Murov” 1/32 finalda Xorvatiyanın “Kitro Varazdin”, növbəti mərhələdə isə Avstriyanın “UVC Qraz” komandasını mübarizədən kənarlaşdırıb.
