AMADA rəsmiləri beynəlxalq konfransda iştirak ediblər

AMADA

04.06.2026, 22:10

Azərbaycan Fransada dopinq maddələrinin əlçatanlığının məhdudlaşdırılmasına həsr olunmuş beynəlxalq konfransda təmsil olunub.

Bu barədə Azərbaycan Milli Antidopinq Agentliyindən (AMADA) məlumat verilib.

Avropa Şurası və Ümumdünya Antidopinq Agentliyinin (WADA) birgə təşkilatçılığı ilə Parisdəki "Stade Jean Bouin"də "Avropada dopinq maddələrinin əlçatanlığının məhdudlaşdırılması: Ortaq məsuliyyət" mövzusunda keçirilən beynəlxalq konfransda ölkəmizi AMADA-nın İcraçı direktoru Təhminə Tağı-zadənin rəhbərlik etdiyi nümayəndə heyəti təmsil edib.

Konfransın əsas məqsədi dopinq maddələrinin idmanda və idmandankənar mühitdə, xüsusilə rekreativ idman, fitnes mərkəzləri və onlayn platformalar vasitəsilə yayılmasının qarşısının alınması üzrə mövcud çağırışları və mümkün həll yollarını müzakirə etmək olub.

Tədbirin proqramında dopinq maddələrinin əlçatanlığı ilə bağlı mövcud vəziyyətin qiymətləndirilməsi, həvəskar idmanda dopinq istifadəsinə təsir edən amillər, ictimai sağlamlıq riskləri, saxtalaşdırılmış və qeyri-qanuni məhsulların dövriyyəsi, hüquq-mühafizə orqanları ilə əməkdaşlıq, farmasevtik nəzarət, rəqəmsal platformaların məsuliyyəti və milli səviyyədə koordinasiya mexanizmləri kimi mövzular yer alıb.

Konfrans çərçivəsində Avropa Şurası, WADA, "İnterpol", UNESCO, Beynəlxalq Olimpiya Komitəsi, milli antidopinq təşkilatları, dərman vasitələri üzrə tənzimləyici qurumlar, hüquq-mühafizə orqanları, laboratoriyalar, gömrük strukturları və digər beynəlxalq tərəfdaşların nümayəndələri dopinq maddələrinin qanunsuz dövriyyəsinə qarşı daha səmərəli və əlaqələndirilmiş yanaşmalar barədə fikir mübadiləsi aparıblar.

Tədbirdə dopinq maddələrinin əlçatanlığının yalnız idman dürüstlüyünə deyil, həm də ictimai sağlamlığa, istehlakçı təhlükəsizliyinə və gənclərin sağlam həyat tərzinə təsir edən kompleks problem kimi qiymətləndirilməsinə xüsusi diqqət yönəldilib. Müzakirələr zamanı dopinq maddələrinin bəzən qida əlavələri, həyat tərzi məhsulları və ya performansı artıran vasitələr kimi təqdim olunmasının ciddi sağlamlıq riskləri yaratdığı vurğulanıb.

Konfransın ikinci hissəsində "Tələbin azaldılması və maarifləndirmə", "Keyfiyyət və təchizat nəzarəti, sağlamlığın qorunması", "Aşkarlanma və hüquq-mühafizə tədbirləri", eləcə də "Koordinasiya və idarəetmə" mövzuları üzrə interaktiv seminarlar təşkil olunub.

AMADA nümayəndə heyəti "Koordinasiya və idarəetmə" istiqaməti üzrə müzakirələrə qatılaraq, dopinq maddələrinin əlçatanlığının məhdudlaşdırılması üçün milli səviyyədə qurumlararası əməkdaşlığın, müvafiq dövlət orqanları arasında məlumat mübadiləsinin önəmi ilə bağlı fikir mübadiləsində iştirak edib.

Yekunda interaktiv seminarların nəticələri ümumiləşdirilib və dopinq maddələrinin yayılmasının qarşısının alınması üçün birgə məsuliyyət, davamlı əməkdaşlıq və çoxsektorlu yanaşmanın vacibliyi vurğulanıb.

Dİgər xəbərlər

08.09.2026, 12:22

Azərbaycan yeni Məcəlləyə uyğun milli antidopinq qaydalarını Avropada hazırlayan ilk ölkədir

02.09.2026, 12:46

Ağırlıqqaldıranımız antidopinq qaydalarını pozduğu üçün cəzalandırılıb

01.09.2026, 11:36

İdmançımız 2 il müddətinə diskvalifikasiya edilib

12.08.2026, 14:22

AMADA voleybolçular üçün maarifləndirici tədbir keçirib

$AMADA \"Antidopinq sahəsində sertifikatlı təlimçilərin hazırlanması\" proqramına start verib$

09.07.2026, 14:48

AMADA "Antidopinq sahəsində sertifikatlı təlimçilərin hazırlanması" proqramına start verib

07.07.2026, 19:46

AMADA və Qış İdman Növləri Federasiyası dopinq əleyhinə onlayn təlim təşkil edib

03.07.2026, 13:39

AMADA yeniyetmə idmançılar üçün maarifləndirici tədbir keçirib

22.06.2026, 16:45

AMADA Gəncədə təmiz idman dəyərlərinin təşviqinə dair maarifləndirmə proqramı təşkil edib

08.06.2026, 19:51

AMADA-nın Müşahidə Şurasının növbəti iclası keçirilib

19.05.2026, 15:15

AMADA əməkdaşları azad olunmuş ərazilərə səfər ediblər

18.05.2026, 16:02

WUF13 ərəfəsində qadın və qız idmançılar üçün inklüziv antidopinq yanaşmalarına həsr olunmuş beynəlxalq konfrans

13.05.2026, 11:29

AMADA 2027-ci ildən qüvvəyə minəcək yeni antidopinq qaydalarındakı əsas dəyişiklikləri açıqlayıb

SON XƏBƏRLƏR

BÜTÜN XƏBƏRLƏR