Futbol üzrə dünya çempionatında iki günlük fasilə davam edir. Fasilədən yaralanan dünyanın aparıcı statistika həvəskarları 17 gündən sonra yeni bir rəqəmlər üzə çıxarıblar. Belə ki, ¼ final mərhələsinə qədər mundialda 26 qarşılaşma baş tutub. Bu görüşlərdə qapılardan 148 top keçirilib. Həmin qollardan 10-nu PSJ futbolçuları vurublar. İkinci pillədə «Barselona» futbolçuları yer alıblar - 8 qol. «Çelsi», «Mançester Siti», «Mançester Yunayted» futbolçuları hərəyə 6 dəfə fərqləniblər. «Milan» və «Totenhem» təmsilçilərinin 5 qolu var. «Ayaks», «Benfika» və «Fənərbağça»nın təmsilçiləri 4 dəfə rəqib qapısına yol tapıblar. Qeyd edək ki, mundialda PSJ-dən fransalı Kilian Mbappe, argentinalı Leonel Messi, «Mançester Yunayted»dən ingiltərəli Markus Reşford, PSV-dən niderlandlı Kodi Qakpo, «Milan»dan portuqaliyalı Rafael Leao hərəyə 4 dəfə rəqib qapısına yol tapıblar.
Anar
jpg-1714242793.jpg)
