Voleybol millimiz Avropa çempionatının təsnifat məshələsində iştirak edəcək.

Kişi voleybolçulardan ibarət Azərbaycan millisi Avropa çempionatının (EuroVolleyM 2026) təsnifat məshələsində iştirak edəcək.

Azərbaycan Voleybol Federasiyasının mətbuat xidmətindən verilən məlumata görə, qitə birinciliyinin seçmə mərhələsi 2024 və 2025-ci illərdə təşkil olunacaq. Turnirə bu ilin avqust ayında start veriləcək.

Komandalar reytinqdəki yerlərinə görə qruplara bölünüblər. Reytinqdə 26-cı olan Azərbaycan millisi B qrupunda Belçika (11-ci yer) və Avstriya (29-cu yer) kollektivləri ilə birgə mübarizə aparacaq. Komandamız evdə və səfərdə olmaqla ümumilikdə dörd oyun keçirəcək. Qarşılaşmaların yarısı bu il avqustun 17-29-da, digərləri isə 2025-ci il avqustun 9-17-də təşkil olunacaq.

Qeyd edək ki, seçmə mərhələdə 21 yığma (7 qrup) çıxış edəcək və onlardan 12-si qitə birinciliyinə vəsiqə qazanacaq. Qrup qalibləri və ən yaxşı nəticə ilə ikinci olacaq 5 komanda Avropa çempionatında iştirak hüququ qazanacaq.

Oyunlar

17-18 avqust 2024

Avstriya – Azərbaycan

24-25 avqust 2024

Azərbaycan – Belçika

13 avqust 2025

Belçika – Azərbaycan

16-17 avqust 2025

Azərbaycan - Avstriya