"Real"ın baş məşqçisi: "Bu davada günah mənim idi"

$\"Real\"ın baş məşqçisi: \"Bu davada günah mənim idi\"$

Futbol

09.05.2026, 18:07

Mardrid "Real"ının baş məşqçisi Alvaro Arbeloa soyunub-geyinmə otağında baş verənlərin mediaya sızdırılmasını "Kral klubu"na xəyanət kimi qiymətləndirib.

Olimpnews.az xəbər verir ki, ispaniyalı mütəxəssis Orelyen Çuameni ilə Federiko Valverde arasında yaşanan insidentlə bağlı məsuliyyəti üzərinə götürüb. “Bu davada günah mənim idi. Futbolda belə hallar olur. Amma futbolçuların mənə hörmətsizlik etdiyini demələrinə imkan vermərəm. Hazırda çoxlu yalan və uydurma yayılır”, - deyə Arbeloa bildirib.

O, məlumatı sızdıran şəxsin kimliyini bilmədiyini də vurğulayıb: “Mən CIA-da işləmirəm. Klubda çox insan var və kimisə ittiham edə bilmərəm.

Baş məşqçi jurnalistin "Çuameni və Valverdeni dayandıra bilmədiniz?" sualına isə belə cavab verib: “Mənim ofisim "Real Madrid" klubunun soyunub-geyinmə otağının içində deyil. Kaş ki, baş verən hər şeyə cavabdeh olub hamısını idarə edə biləydim. Əgər bu vəziyyətin nəticəsi olaraq məşqçinin bunların qarşısını almalı olduğu düşünülürsə, bunu qəbul edirəm. Bu xoş vəziyyət deyil. Hamı üçün nümunə olmalıdır. İndi isə diqqətimizi “Barselona” - “Real Madrid” oyununa yönəltməliyik”, - deyə Arbeloa qeyd edib.