Hans-Diter Flik: "Bunun yalnız “Real"a xas olduğunu düşünmürəm"

$Hans-Diter Flik: \"Bunun yalnız “Real\"a xas olduğunu düşünmürəm\"$

Futbol

09.05.2026, 18:26

İspaniyanın "Barselona" klubunun baş məşqçisi Hans-Diter Flik "El Klasiko" öncəsi keçirilən mətbuat konnfransında Madrid "Real"ının düşərgəsində baş verdiyi iddia olunan insidentlə bağlı fikirlərini bölüşüb.

Olimpnews.az xəbər verir ki, almaniyalı mütəxəssis soyunub-geyinmə otağında yaşanan mübahisələrin futbolda rast gəlinən hallar olduğunu bildirib: “Belə hadisələr dünyanın hər yerində baş verir. Bunun yalnız “Real"a xas olduğunu düşünmürəm. Əsas məsələ vəziyyəti düzgün idarə etmək və sonradan danışaraq həll etməkdir. Futbolda da, real həyatda da belə hallar yaşana bilər”, - deyə Flik qeyd edib.

Almaniyalı mütəxəssis rəqib komandanın daxili məsələləri barədə danışmaq istəmədiyini də vurğulayıb: “Bu mənim komandam deyil və həmin məsələlər barədə fikir bildirmək istəmirəm. Biz diqqətimizi öz oyunumuza yönəltmişik. Məqsədimiz öz futbolumuzu oynamaq və meydanda komanda ruhunu göstərməkdir”.

Flik, həmçinin Kilian Mbappe barədə də danışıb: “O, dünyanın ən yaxşı futbolçularından biridir. Cərimə meydançası daxilində və ətrafında çox təhlükəlidir. Qapı qarşısında sahib olduğu keyfiyyət baxımından hazırda ən yaxşılardan biridir”.